ԱԱ. Ըմբիշների մի մասը վերադարձել է Հայաստան

13:27   17 սեպտեմբերի, 2019

Հունահռոմեական ոճի ըմբիշներ Նորայր Հախոյանը (55 կգ), Սլավիկ Գալստյանը (63 կգ), Մալխաս Ամոյանը (72կգ) եւ Մաքսիմ Մանուկյանը (82 կգ) վերադարձել են Ղազախստանից, որտեղ անցկացվում է աշխարհի առաջնությունը։ Այդ մասին տեղեկանում ենք ՀԱՕԿ-ի կայքից:

Հայաստանի հավաքականն այս պահին ունի մեկական բրոնզե և արծաթե մեդալ։ Աշխարհի առաջնության բրոնզե մեդալակիր է դարձել Սլավիկ Գալստյանը, իսկ արծաթե մեդալը բաժին է հասել Արթուր Ալեքսանյանին (97 կգ)։

Հիշեցնենք, որ Ալեքսանյանը կողոսկրերի կոտրվածքի պատճառով չէր մասնակցել եզրափակիչ գոտեմարտին։

Սեպտեմբերի 17-ին բրոնզե մեդալի համար գոտեմարտ կանցկացնի 77 կգ քաշային Կարապետ Չալյանը։



© ARMFOOTBALL.COM