Պելլեգրինի. «Անհամբեր սպասում ենք Մխիթարյանի նորամուտին»

14:54   6 սեպտեմբերի, 2019

Իտալիայի հավաքականի կիսապաշտպան Լորենցո Պելլեգրինին, ով հաղթական գոլի հեղինակ է դարձել Հայաստանի ընտրանու դեմ մրցավեճում (3:1), կիսվել է «սկուադրա աձուրայի» կազմում իր առաջին գնդակի և «Ռոմայում» Հենրիխ Մխիթարյանի հետ խաղալու սպասումների մասին:

«Հիանալի երեկո էր մեզ համար: Հաղթեցինք բարդ խաղում, որովհետև Հայաստանը կոշտ էր գործում, հատկապես սեփական կիսադաշտում:

Մխիթարյանը հիանալի ելույթ ունեցավ: Նա փայլուն տաղանդ է, և մենք անհամբեր սպասում ենք, թե երբ է նա նորամուտը նշելու «Ռոմայում»:

Ինձ համար մեծ պատիվ է ներկայացնել Իտալիան: Ժամանակ է հարկավոր, որպեսզի հարմարվեմ հավաքականի շարժումներին ու տակտիկային, բայց կհասնեմ դրան:

Շատ մարդիկ էին ցանկանում այդ դիրքից իրացնել տուգանային հարվածը: Բայց քանի որ իմ նկատմամբ էր խախտումը կատարվել, ինքս հարվածեցի: Դա խնդիր չառաջացրեց թիմի ներսում»,- 23-ամյա խաղացողի խոսքերն է մեջբերում football-italia.net-ը:



© ARMFOOTBALL.COM