
Իրանի առաջին խմբի առաջնության 16-րդ տուրում «Փայքանը» սեփական հարկի տակ ընդունել էր Ռաֆսանջանի «Մեսին»: Դաշտի տերերը առաջին խաղակեսից հետո զիջում էին 0:2 հաշվով, սակայն երկրորդ խաղակեսում կարողացան 3 գնդակ խփել և հաղթել 3:2 հաշվով: Գրիգոր Մելիքսեթյանը մասնակցեց ամբողջ հանդիպմանը:
Վաստակած 34 միավորով Հայաստանի երիտասարդական հավաքականի նախկին դարպասապահի ակումբը շարունակում է գլխավորել մրցաշարային աղյուսակը: Հաջորդ տուրում` փետրվարի 3-ին, թիմը կհյուրընկալվի «Սայփա Շոմալին», որն ինչպես հայտնի է, մարզում է Հայաստանի հավաքականի նախկին գլխավոր մարզիչ Սամվել Դարբինյանը:
ամիս
շաբաթ
օր