Կատալոնական «Բարսելոնայի» կիսապաշտպան Խավի Հերնանդեսը Իսպանիայի թագավորական գավաթի 1/4-րդ եզրափակչի Մադրիդի «Ռեալի» դեմ պատասխան հանդիպումից (2:2) հետո բավականին կոշտ ձևով է մեկնաբանել «Արքայական» ակումբի ֆուտբոլիստների պահվածքը:
«Հանդերձարանում «Ռեալի» ֆուտբոլիստները չափազանց դժգոհ էին: Անհավատալի է, որ նրանք չեն կարողանում պարտվել: Իսկ ինչ վերաբերում է Լասի և Մեսսի միջադեպին, ապա ասեմ, որ այդ ժամանակ աննկատ մնաց Դիարայի խախտումը և դեղին քարտով պատժվեց Մեսսին: Իսկ Լասը չզգուշացվեց, քանի որ նա արդեն դեղին ուներ, իսկ պետք էր պարզապես հեռացնել նրան: Այդ դրվագում «Ռեալի» ֆուտբոլիստը խաղաց կենդանու պես» ,- Խավիի խոսքերն է փոխանցում Goal.com-ը, հղում տալով «Բարսելոնայի» պաշտոնական հեռուստաալիքին:
Հավելենք, որ «Բարսելոնան» իր պաշտոնական վեբ կայքում չեր հրապարակել այդ տեսագրությունը և այժմ հայտնի չէ, թե ինչպես է այն հայտնվել մամուլում: Գործի վերաբերյալ անցկացվում է հետաքննություն:
ամիս
շաբաթ
օր
