Հոլանդիայում շարունակվող Վեյկ ան Զեեի շախմատային փառատոնի A խմբի մրցաշարի 11-րդ տուրում անակնկալ պարտություն կրեց առաջատարը` Լևոն Արոնյանը: Նա սպիտակ խաղաքարերով զիջեց մրցաշարի ետնապահ Դավիդ Նավարային: Ի դեպ, սա չեխ գրոսմայստերի առաջին հաղթանակն էր մրցաշարում:
Արոնյանին հետապնդող ուկրաինացի Վասիլի Իվանչուկը ևս անհաջող հանդես եկավ այս տուրում` սպիտակներով պարտվելով Բորիս Գելֆանդին: Իվանչուկի սայթաքումից օգտվեցին ադրբեջանցի Թեմուր Ռաջաբովը և նորվեգացի Մագնուս Կառլսենը: Առաջինը սևերով պարտության մատնեց իր հայրենակից Վուղար Հաշիմովին, իսկ երկրորդը` սպիտակներով բուլղարացի Վեսելին Տոպալովին:
Երկու շախմատիստներն էլ, շրջանցելով ուկրաինացուն, կիսում են 2-րդ տեղը` ընդամենը կես միավորով ետ մնալով Արոնյանից: Սերգեյ Կարյակինը հաղթեց Լուկ վան Վելիին, Ֆաբիանո Կարուանան` Անիշ Գիրիին: Այս տուրում միակ ոչ-ոքին գրանցվեց Գատա Կամսկու և Հիկարու Նակամուրայի պարտիայում:
11 տուրից հետո`
Արոնյան - 7,5, Կառլսեն, Ռաջաբով - 7, Իվանչուկ, Կարուանա - 6,5, Նակամուրա - 6, Կամսկի, Կարյակին - 5,5, վան Վելի, Գելֆանդ - 5, Գիրի, Տոպալով, Հաշիմով - 4, Նավարա - 3,5:
Վաղը հունվարի 28-ին Արոնյանը սպիտակներով կխաղա Իսրայելի ներկայացուցիչ Բորիս Գելֆանդի հետ:
C խմբի մրցաշարում Էլինա Դանիելյանը սպիտակներով ոչ-ոքի խաղաց Ադհիբանի հետ:
ամիս
շաբաթ
օր
