ArmFootball.com-ի թղթակցի հետ զրույցում թեթև ատլետիկայի ՀՀ ֆեդերացիայի գլխավոր քարտուղար Նարինե Շահբազյանը հայտնեց, որ Լոնդոնի օլիմպիական 30-րդ խաղերին մասնակցելու հավակնող մեր 2 ուժեղագույն հեռացատկորդները՝ Վարդան Փահլեվանյանն ու Արսեն Սարգսյանը փետրվարի 5-ին Մոսկվայում կմասնակցեն ամենամյա «Ռուսկայա Զիմա» ավանդական միջազգային ներկայացուցչական մրցաշարին:
Շահբազյանը տեղեկացրեց նաև, որ մեր ևս 2 առաջատար թեթև ատլե, Պեկինի օլիմպիական խաղերի մասնակից, գյումրեցի նիզականետորդ Մելիք Ջանոյանն ու արցախցի վազորդ Աշոտ Հայրապետյանը այս օրերին ուսումանամարզական հավաք են անցկացնում Սոչիում:
Առաջիկա միջազգային մրցաշարարերում բարձր արդյուքներ արձանագրելու և համապատասխան նորմատիվները կատարելու դեպքում մեր ուժեղագույն թեթև ատլետները իրավունք կստանան մասնակցելու մարտի 9-11-ը Ստամբուլում կայանալիք թեթև ատլետիկայի ձմեռային (մարզասրահների) աշխարհի առաջնությանը:
ամիս
շաբաթ
օր
