Մխիթարյանի գոլը «Ռոմային» օգնեց հաղթել արտագնա խաղում (VIDEO)

Իտալիայի առաջնության 14-րդ տուրում «Ռոման» հյուրընկալվել է «Վերոնային» և առավելության հասել 3:1 հաշվով:

17-րդ րոպեին Լորենցո Պելլեգրինիի շքեղ փոխանցումից հետո Ջասթին Կլյուվերտն առաջ է մղել «գայլերին», սակայն ընդամենը չորս րոպե անց Մարկո Ֆարաոնին պատասխան գոլն է խփել:

Ընդմիջումից առաջ Դիեգո Պերորտտին, ով փոխարինել է վնասվածք ստացած Կլյուվերտին, հստակորեն իրացրել է Էդին Ջեկոյի վաստակած 11-մետրանոց հարվածը:

Հանդիպման վերջակետը դրել է Հայաստանի հավաքականի կիսապաշտպան Հենրիխ Մխիթարյանը, ով 90+2 րոպեին եզրափակել է նույն Պերոտտիի փոխանցումը: 30-ամյա ֆուտբոլիստը փոխարինման է մտել 67-րդ րոպեին:

Հռոմեական թիմը վաստակել է 28 միավոր և զբաղեցնում է չորրորդ տեղը: «Վերոնան» 18 միավորով 9-րդն է:

ArmFootball.com

• «Երջանիկ եմ». Մխիթարյանը հիացրել է իտալերեն խոսելով (VIDEO)
  
• Ֆոնսեկա. «Մխիթարյանը պատրաստ չէ 90 րոպե խաղալ»
  
• Մխիթարյանը Թուրքիայում է. 2 ամիս անց` հայտացուցակում
  
• 2 ամիսը լրանալու է. Մխիթարյանը «Ռոմայի» ևս մեկ խաղ բաց կթողնի
  
• Մխիթարյան. «Էմերին ու Սանլեհին վստահեցնում էին, որ կարևոր եմ «Արսենալի» համար, բայց…»