Որոնել
Արխիվ
10.10.2019  01:42

Պետեր Չեխը հոկեյիստի կարիերա է սկսել

«Չելսիի» և «Արսենալի» նախկին դարպասապահ Պետեր Չեխը հոկեյիստի կարիերա է սկսել։

37-ամյա ֆուտբոլիստը պայմանագիր է ստորագրել «Գիլդֆորդ Ֆենիկս» ակումբի հետ և վերցրել 39 համարը։

«Շատ ուրախ եմ, որ հնարավորություն եմ ստացել հանդես գալ «Ֆենիկսում», որպեսզի խաղային փորձ ձեռք բերեմ։ Հուսով եմ՝ կկարողանամ այս երիտասարդ թիմին օգնել հաջողության հասնել մրցաշրջանում և հաղթել հնարավորինս շատ հանդիպումներ։ Պրոֆեսիոնալ ֆուտբոլում 20 տարի անցկացնելուց հետո սա հիանալի փորձ կլինի ինձ համար։ Հոկեյն այն սպորտաձևն է, որը սիրում եմ դիտել և խաղալ մանկուց»,- Չեխի խոսքերն է մեջբերում ակումբի մամուլի ծառայությունը։

Նշենք, որ Չեխը կարիերան ավարտել է 2018-19 մրցաշրջանից հետո։ Հոկեյում նա նորամուտը կնշի հոկտեմեբերի 12-ին՝ «Նոթինգեմի» հետ խաղում։

ArmFootball.com


Soccerway.com

Հարցում
Քվեարկել են (0)  |  Այլ հարցում
Ամենաընթերցվածը

ամիս

շաբաթ

օր

Բոլոր իրավունքները պաշտպանված են: © ArmFootball.com 2019
Մեջբերումներ անելիս հղումը «ArmFootball.com»-ին պարտադիր է:
Գովազդատուներին 055 516 000