Որոնել
Արխիվ
10.09.2019  20:01

Միրչա Լուչեսկու. «Մխիթարյանն այն խաղացողներից է, որոնց ես սիրում եմ բոլորից շատ»

Դոնեցկի «Շախտյորի» նախկին գլխավոր մարզիչ Միրչա Լուչեսկուն TMW-ի հետ զրույցում խոսել է Հենրիխ Մխիթարյանի ու Պաուլու Ֆոնսեկայի մասին: Հիշեցնենք, որ հայ ֆուտբոլիստը ժամանակին խաղացել է ուկրաինական թիմում ռումինացի մասնագետի գլխավորությամբ, իսկ Ֆոնսեկան «Շախտյորը» գլխավորել  է Լուչեսկուի հեռանալուց հետո: Վերջինս նաև նշել է այն խաղացողների անունները, որոնց Ֆոնսեկան կուզենար հրավիրել «Ռոմա»:

- Մխիթարյանն այն խաղացողներից է, որոնց ես սիրում եմ բոլորից շատ: Նա շատ խելացի է, շատ հեշտ հարմարվում է խաղային բոլոր սխեմաներին, դիմացկուն է ու օժտված է  բացառիկ արագությամբ: Ես ստիպեցի նրան խաղալ որպես եզրափակող և նա շատ ուժեղ էր այդ դիրքում: Անգլիայում նրան օգտագործեցին այլ դիրքերում, որոնք նրան չէին համապատասխանում: Շատ շուտով Մխիթարյանը կդառնա «Ռոմայի» առանցքային խաղացողներից մեկը:  Գիտեմ, որ Ֆոնսեկան մեծ հաճույքով կհրավիրեր Տայսոնին ու Մարլոսին:  Նրանք «Շախտյորի» խաղացողներն են, որոնց ես դաստիարակել եմ ակումբում աշխատած 12 տարվա ընթացքում: Հուսով եմ` Ֆոնսեկան հաջողության կհասնի Իտալիայում: «Ռոման» հաջողակ մարզչի կարիք ունի: Խնդիրն այն է, որ «Շախտյորում», որտեղ ես ստեղծեցի հարձակվողական թիմ, սովոր էին վերահսկել  խաղը, իսկ Իտալիայում դա հեշտ չէ անելը, բայց նրա մոտ կարող է ստացվել: Եկեք տեսնենք,- ասել է Լուչեսկուն:

 

ArmFootball.com


Soccerway.com

Հարցում
Քվեարկել են (0)  |  Այլ հարցում
Բոլոր իրավունքները պաշտպանված են: © ArmFootball.com 2019
Մեջբերումներ անելիս հղումը «ArmFootball.com»-ին պարտադիր է:
Գովազդատուներին 055 516 000