Որոնել
Արխիվ
08.09.2019  13:25

Մանչինին մեկաբանել է Կարապետյան-Բոնուչչի դրվագը և զգուշացրել իտալացուն

Իտալիայի հավաքականի գլխավոր մարզիչ Ռոբերտո Մանչինին զգուշացրել է թիմի պաշտպան Լեոնարդո Բոնուչիին, ով սիմուլյացիայի է դիմել Հայաստանի հավաքականի հետ խաղում: Դրա պատճառով Ալեքսանդր Կարապետյանին կարմիր քարտ է ցուցադրվել:

«Չեմ խոսել Լեոյի հետ և ժամանակ չեմ ունեցել ուսումնասիրել այդ դրվագը, որովհետև ավելի կարևոր գործեր եմ ունեցել: Չգիտեմ, արդյոք նա տուժել է այդ դրվագում, և թե ինչ է տեսել մրցավարը: Եթե Բոնուչչին այնպիսի բան է արել, ինչ չպետք է իրեն թույլ տար, ապա պետք է ավելի զգույշ լինի, հատկապես թիմի ավագի կարգավիճակով:

Ճիշտն ասած, կնախընտրեի, որ Հայաստանի հավաքականը մնար 11 ֆուտբոլիստով, որովհետև կարմիր քարտից հետո նրանք սեփական կիսադաշտում ազատ տարածություն չէին տալիս մեզ և սեղմվել էին սեփական դարպասին: Հավասար կազմերով այլ խաղ կընթանար»,- մարզչի խոսքերն է մեջբերում Football Italia-ն:

Ավելի վաղ Կարապետյանը պատմել է, որ «Յուվենտուսի» երկրպագուները նրանից ներողություն են խնդրել նրանց ակումբը ներկայացող ֆուտբոլիստի արարքի համար:

ArmFootball.com


Soccerway.com

Հարցում
Քվեարկել են (0)  |  Այլ հարցում
Ամենաընթերցվածը

ամիս

շաբաթ

օր

Բոլոր իրավունքները պաշտպանված են: © ArmFootball.com 2019
Մեջբերումներ անելիս հղումը «ArmFootball.com»-ին պարտադիր է:
Գովազդատուներին 055 516 000