Որոնել
Արխիվ
28.08.2019  23:28

Մինասյան. ««Արարատ-Արմենիայի» ֆուտբոլիստների համագործակցությունը դեռ ինձ չի գոհացնում»

Եվրոպա լիգայի փլեյ-օֆֆ փուլի պատասխան խաղում «Արարատ-Արմենիան» հյուրընկալվելիս կմրցի Լյուքսեմբուրգի չեմպիոն «Դյուդելանժի» հետ (2-1)։

Նախախաղային մամուլի ասուլիսով հանդես եկավ հայկական թիմի գլխավոր մարզիչ Վարդան Մինասյանը։ Իր մեկնաբանությունը տվեց նաև արարատցիների ֆուտբոլիստ Ֆուրջել Նարսինգը։

«Ոչ միայն առաջին խաղում, նաև` երկրորդում, չենք բավարարվելու ոչ-ոքի արդյունքով։ Լինելու ենք ագրեսիվ ու փորձելու ենք գոլեր խփել, որպեսզի հաղթանակ տանենք։ Նախորդ խաղից առաջ էլ նշել էինք, որ նրանք գնդակը լավ են վերահսկում։ Պետք է նրանց չտալ ժամանակ ու տարածություն։  

Երբեք չեմ ասել, որ «Դյուդելանժը» ֆավորիտ է։ Պարզապես, ասել եմ, որ մրցակիցը եվրագավաթներում հանդես գալու մեծ փորձ ունի։ Այս խաղից առաջ շանսերը 50-50 եմ գնահատում։

Նման խաղերից առաջ չափազանց շատ տրամադրվելն օգուտ չի տա։ Կարևոր խաղերից առաջ պետք է թուլացնել նյարդերը, որպեսզի ֆուտբոլիստներն իրենց վրա չափի ավելի պատասխանատվություն չվերցնեն։ Դա կարող է բերել հակառակ էֆեկտի։

Մեզ դեռ ժամանակ է պետք, որովհետև թիմի խաղը դեռ ինձ այնքան էլ չի գոհացնում։ Խոսքը գնում է ֆուտբոլիստների համագործակցության մասին։ Դա միանգամից չի լինում։ Մենք ունենք 5-6 նոր խաղացողներ և մեզ անհրաժեշտ է, որ նրանք հարմարվեն նաև Հայաստանի առաջնությանը։ Այն, ինչ ցանկանում եմ՝ դեռ չեմ տեսնում, բայց առանձին դրվագներով տեսնում եմ» 

Առավել մանրամասն՝ տեսանյութում (VIVARO NEWS)

ArmFootball.com



Soccerway.com

Հարցում
Քվեարկել են (0)  |  Այլ հարցում
Բոլոր իրավունքները պաշտպանված են: © ArmFootball.com 2019
Մեջբերումներ անելիս հղումը «ArmFootball.com»-ին պարտադիր է:
Գովազդատուներին 055 516 000